💫Inspiration

ආධ්‍යාත්මය විවෘත කිරීම. ඔබ ඔබව හිරකරගෙන සිටින තාක්කල් ඔබට ඔබව නිරීක්ෂණය කළ නොහැක. ඕනම දෙයක් විවෘත කිරීමෙන්, නිදහස් කිරීමෙන් එහි ස්වාභාවය නිවැරදිව දැකිය හැක. එහි කෙතරම් වැරදි තිබුණත් කමක් නැත. වැරදි සියල්ල දැකීමට තරම් ඔබ නිර්භය වන්න. නිර්භීත වන්න. ඔබ ඔබව විවෘත කිරීමෙන් පසු ඔබ දකින ඒ අමිහිරි , අශීලාචාර, අසංස්කෘතික, පහත් චරිතය, ඔබ නිර්භීත ව නිරීක්ෂණය කරන්න. එසේ දකින විට ඔබ ගැන ඔබට කලකිරෙනු ඇත.  එපාවෙනු ඇත. මන්ද ඔබ තුළින්  ඔබ බලාපොරොත්තු වූයේ සුවිශේෂී වැදගත් ශීලාචාර බෝසත් ගුණාංග පිරි චරිතයක්. නමුත් ඔබ ඔබව විවෘත කළ මොහොතේ පටන් ඔබට දක්නට දක්නට ලැබෙන්නේ  ඉතා අප්‍රසන්න අශීලාචාර චරිතයක්. නමුත් අවබෝධ කර ගත යුතු කරුණ නම් ඔබේ ආත්ම ශක්තිය,  " එවන් දුෂ්ටයෙක් ඔබ තුළ සිටිනවා" යැයි දැකීමට තරම් වැඩිදියුණු කරගන්න. නිහතමානී ව පිළිගන්න ඔබ එතරම් පහත් බව. ඔබ තුළ පෙරදී ඔබ සිතා සිටි බෝධිසත්වයන් සේම දේවදත්තලා ද සිටින බව නුවණින් දකින්න. ඒ දෙකම මධ්‍යස්ථව දකින්න. ඔබ කැමති ආකාරයට නොවේ ඔබේ සිත ක්‍රියා කරන්නේ. මෙයින් වැටහෙන්නේ කුමක්ද ? ඔබේ සිතවත් ඔබේ චරිතය වත් ඔබට හිමි නොවන බව නොවේද. සියල්ල අය...

දේශපාලන මඩ ගොහොරුවට චීවර ඇද නොදමනු . ️ දේශපාලනය ඇත්තේ දේශයක් පාලනයටයි. සැබවින්ම එය ඒකීය භූමියක ට හිමිකම් කියන ජනතාවත් එකී භූමියත් පාලනය කිරීම උදෙසා ගොඩනැගූවක් විය. මිනිසා ශිෂ්ටාචාර ගතවීමේ සිට මේ දක්වා ඔහු දේශපාලනයේ සෘජු හෝ වක්‍ර බෑම බලපෑම්වලට යටත් විය. විවිධ ක්‍රම දේශපාලනය තුළ පෙන්නුම් කළ ද ඒ , මිනිසාගේ ලෞකික පරමාර්ථයන් ඉටු කිරීම මත පදනම් විය. කල් යත්ම එය තරගකාරී ක්‍රමයට සිදුකිරීමේ අපේක්ෂාවෙන් දෝ පක්ෂ මත පදනම් වූ දේශපාලන ක්‍රමයක් අප රටේ ද බිහිවිය. එකම විටෙක විවිධ ස්වරූපයෙන් පෙනී සිටීමේ හැකියාවක් දේශපාලනය සතුය. එය දේශපාලනයේ ස්වභාවය යි. කෙසේ නමුත් එදා මෙදා තුර ලෝකයේ සිදු වූ දේශපාලනික ගොඩනැගීම් වලින් සෑහීමකට පත් වූවන් සොයා ගැනීම දුෂ්කරය. කෙසේ නමුත් මේ කටුසු දේශපාලනය චීවරය   ඉදිරියේ දණ නැමුවේ අදක ඊයෙක නොවේ. බුද්ධ ශාසනය ආරම්භයේ පටන් , ශාසනයේත් ධර්මයේත් උත්තරීතර බව මත ගොඩනැගුණු සාම්ප්‍රදායික බුදු සසුනේ ඇති ප්‍රජාතන්ත්‍රවාදී ලක්ෂණ , දේශපාලනය පුරා පීරා සෙව්වත් සොයාගත නොහැක. එ මෙන්ම එදා පටන් ශාසනය රැක ගන්නට වෙර දුන් මහා සංඝයා සැබවින්ම රටේ පාලනයටත් සම්මුතියටත් උපදේශකත්වය ලබා දුන් අතර ඒ...

හරිත රක්ෂිතයක් කර සුරැකිය යුතු එහෙත් ජල කඳකින් යට කර විනාශ කරන්නට සැරසෙන සුන්දර සුරපුරය දැරණියගල සීතාවක රූකාෂල් ජලාශ ව්‍යාපෘති මගින් මහා ජල කදකට බිලි දී යට කිරීමට නියමිතව ඇත්තේ, ලෝකයේ ප්‍රධානම ජෛව විවිධත්ව උණුසුම් කලාප 20න් එකක් වන සමනල අඩවියේ  වූ  දැරණියගල ප්‍රදේශයයි.  මෙහි ශ්‍රී ලංකාවට ආවේණික ශාක හා සත්ත්ව විශේෂ දහස් ගණනින් ජීවත්වේ. ඒ අතර ඖෂධීය ශාක , ඓතිහාසික වටිනාකම් වලින් යුත් ශාක වර්ග, ශ්‍රී ලංකාවට ආවේණික ලෝකයේ දුර්ලභ ගණයේ මත්ස්‍යයින් , උරගයින් , සමනලුන්, පක්ශීන් නිදහසේ දිවි ගෙවන නොඉඳුල් පරිසර පද්ධතියකි මේ.  මෙම ප්‍රදේශයේ දේශගුණය සලකා බැලූවිට , නිවර්තන තෙත් කලාපයකට හිමිකම් කියන අතර ශ්‍රී ලංකාවේ ඉහළම වර්ශාපතනයක් සහිත තවත් එක් ප්‍රදේශයකි.  භූ විශමතාවය සැලකීමේදී , මධ්‍යම කදුකරයේ කදුවැටි වලින් වට වූ කදු නිම්න ගංගා, ඇළ දොළ ගහණ වූ , ඉහලම ශාක වැස්මක් පවත්වා ගැනීමට තුඩු දෙන කෘෂිකර්මාන්තයට ඉතාමත්ම සුදුසු රතු දුඹුරු ලැටසොලික් පස සහිත භූමියකි.  ඒත් සමගම අධික වර්ශාපතනය නිසා මෙන්ම , නුසුදුසු ඉදිකිරීම් නිසා නායයෑම් අවදානම් බහුල ...

මාන්නය යනු මැනීමයි. මානය යි. මෙහි ප්‍රභේද කිහිපයකි .හීනමානය, අධිමානය, නියත මානය. හීනමානය යනු තමන් පහත් කොට මැනීමයි. අධිමානය යනු තමන් උසස් කොට මැනීමයි. නියතමානය යනු තමුන්ගේ මට්ටමට නියතවශයෙන් දැන ගැනීමයි. කෙසේ නමුත් මානය වනාහි සහිත චෛතසිකයක්මය, සංඥාව විකෘති ලෙස ග්‍රහණය කර ගැනීම මෝහයට මග තනයි. කෙතරම් දියුණු ආධ්‍යාත්මිකත්වයක් ඇති පුද්ගලයෙකුට හෝ යෝගියෙකුට පවා මානය පැවතිය හැක. මානය වනාහි මමත්වය මූලිකකොට ඇතිවන්නකි. නිර්වාණගාමී පටිපදාව වඩා එහි අවසාන ඵලය ලැබෙන තෙක් මානය ක්‍රියාත්මක වේ. එබැවින් ලෙහෙසියෙන්ම දුර කළ හැක්කක්ද නොවේ. මානය යනු සිත නැති කරන්නෙකුගේ අවසානයෙන් ම දුරු වන ගතිය බවට පැවසේ. කෙසේ නමුත් මානය කෙතරම් සියුම් දෙයක්ද යත් මමත්වය මුල්කොට ගත් බොහෝ අවස්ථාවල මානය පවතී. මාන්නය මුල්කොට ගත් සියළු අවස්ථාවල මමත්වය පවතී මානය දුරු කිරීමට උත්සාහ ගත යුතුය. මානය යනු විකෘතියකි. විකෘතිය දුරු කළ හැක්කේ ප්‍රකෘතිය මගිනි. එබැවින් මාන්නය,(මානය) යන්නෙහි විකෘති ගතියේ යථා ස්වභාවය හඳුනා ගැනීමෙන් මානය දුරු කළ හැක. ඉතා සියුම් මානයද සඳහා මේ ආකාරයට යථාර්ථය දැක වැඩිය යුතුය. මිථ්‍යාදෘෂ්ටියෙන් දුරස්වෙමින් සම්මා දිට්ඨ...

  කලින් කලට සංවර්ධන ව්‍යාපෘති ලෙස මහජනයා ඉදිරියේ ගෙන හැර පාන සමහර ව්‍යාපෘති හා යෝජනා නිසා දේශපාලකයින් හා බලධාරීන් තම මඩිය තර කර ගැනීමට පෙරැත්ත කරමින් සිටින බව ඔබ අප හොදින්ම හදුනන සත්‍යයකි. ඔවුන් බොහෝමයකගේ රාජකාරිය විධායක හෝ ව්‍යවස්ථදායක පියවර අනුගමනය කරමින් රට හෝ සමාජය සංවර්ධනය කිරීම වුවද සත්‍ය වශයෙන්ම ඔවුන්ගේ ප්‍රධාන අරමුණ වී ඇත්තේ නම්, තම මඩිය තර කරගෙන තම තමන්ගේ පෞද්ගලික ඵල ප්‍රයෝජනයට භාවිතා කිරීමයි. ඔවුන්ගේ මේ අරමුණු මුදුන්පත් කරගැනීමට  ඔවුන් සිදුකරනා ක්‍රියාකාරකම් අතුරින් වඩාත්ම පිළිකුල්සහගත වන්නේ, අහිංසක ජනතාව මේ සදහා බිල්ලට දීමත් , සොබාදමින් මනුශ්‍යවර්ගයාට දායාද කොට ඇති දෙව්ලොවක් බඳු ස්වභාවික පරිසර පද්ධතීන් විනාශ කර දැමීමත් ය.  මේ කියන්නට යන්නේ තවත් එවන් සාපරාධී ක්‍රියාකාරකමකි. ඒ, පසුගිය රජය මගින් ඉදිරිපත් කළ යෝජනාවක් ලෙස පෙරට ආ වත්මන් රජය විසින්ද අනුමැතිය හිමිකරගෙන ඉදිකිරීමට නියමිත සීතාවක රූකාෂල් ජලාශ ව්‍යාපෘතිය.  බලධාරීන් ගෙනහැර දක්වන පරිදි මෙම ව්‍යාපෘති ඔස්සේ සිදුවන්නේ, කෑගල්ල දිස්ත්‍රික්කයේ , දැරණියගල ප්‍රදේශයේ සීතාවක ගංගාව හරස් කර ජලාශ දෙකක් ඉදිකිරීමයි. ඉන...

අපි කොහොමද මව්බසට මේ තරම් ගරු කරන්නෙ?  ඒක අපිරිසිදු කරන්න එපා. ඔයා කතා කරනකොට ඔයාගෙ අදහස එලියට දාන්න ඔයාගෙ ශබ්දකෝෂය ඇතුලෙ සිංහල භාෂවෙ වචන එක පාර ගලා නොඑන්න පුළුවන් . එතකොට හදිස්සියට දන්න භාෂාවක වචන අමුණලා තමයි කතාව යන්නෙ. ගොඩක් වෙලාවට අපි කරන්නෙ ඉංග්‍රීසි වචන අමුණන එක. මොකද විශ්ව භාෂාවනේ... ඉතින් ගැටෙන්නෙ ඒ වචන මේ ගෝලීයකරණය වුණ ලෝකය ඇතුලෙ. ඒක වැරැද්දක් නෙවෙයි ඔයාටවත් මටවත් අහන කෙනාටවත්.  හැබැයි එක තැනකට ඒක රිදෙනවා. ඒ කොහෙද ? ඒ තමයි මව්බස පෙරටු කරගෙන මානව වර්ගයා ඉදිරියේ පෙනී සිටි තවත් හර පද්ධතියක් .  අපි මව්බසින් කතා කරනකොට අදහස් ප්‍රකාශ කරන්නට තවත් භාෂාවක වචන අමුණන්නෙ ඇයි. මව් භාෂාවෙ වචන නැතුව ද? එහෙම කියන්න පුළුවන් මේ භාෂාව අද ඊයෙ බිහිවූ එකක් නම්. ඒත් අපේ මව්බස සියවස් ගණනාවක් තිස්සේ විකාශනය වූ, මිනිස් ජීවිත ලක්ෂ ගණනකට සිය අදහස් ප්‍රකාශ කිරීමට පිහිට වූ වක්. එතකොට කොහොම විශ්වාස කරන්න ද අදහස් වලට දෙන්න පුළුවන් වචන මේ මව්බස තුළ නැතිව ඇති කියලා.  වරද ඇත්තේ ඔබ තුළයි. ඔයා අසමත්, මව්බසේ ඇති වචන ගැන අවබෝධයක් නැති තරමට.  එහෙම කියනකොට කෙනෙක්ට කියන්න පුළුවන්, හරි පුළුවන් න...

කෙනෙක් කැඩිච්ච සිංහල භාවිතා කිරීම තුළ කැඩිච්ච සංස්කෘතියක් අභ්‍යන්තරික වශයෙන් තමා තුළ ගොඩනැගී ඇති බව වටපිටාවට ප්‍රදර්ශනය වේ. එහෙම නැත්තන් එවැනි උපසංස්කෘතියකට හෝ සංස්කෘතියකට අවතීර්ණ වෙන පුද්ගලයකු බව වුවද දැක හදුනාගත හැකිවන බව මගේ නිගමනයයි.  ඒ විතරක් නෙවෙයි කෙනෙක් භාෂාව භාවිතා කරන්නෙ ඇත්තටම මොන අරමුණු ඔස්සේද යන්න වුවද තියුණු නිරීක්ෂණයක යෙදෙන කෙනෙක්ට අවබෝධ කරගත හැකිවේවි. සමහරු පොෂ් වෙන්න, සමහරු වැදගත් වෙන්න, සමහරු සමාජශීලී වෙන්න, සමහරු නිකන් ඉන්න එකේ කියව කියව ඉන්න, සමහරු අදහස් බෙදා ගන්න ආදී විවිධාකාර විදිහට මේක කතා කිරීම කියන එක සිදුකරත් ඇත්තෙන්ම ඒක අපට අදාළ කාරණයකුත් නෙවෙයි.  එසේ මෙසේ කෙසේ කතා කරත් අපේ සිංහල මව් භාෂාව උනත් හැදිලා තියෙන්නේ , ඒක විකාශනය වෙලා තියෙන්නේ මේ ලංකාව කියන රට මුල් කරගෙන. එතකොට ඒක නිකන්ම නිකන් භාෂාවක් විදිහට මතුපිටින් පෙනුනත් භාෂා විශාරදයන් එහි ස්වභාවය උපයෝගී කරගෙන සිංහල කියන භාෂාව ස්පර්ශ වුණ හැම පැතිකඩක්ම හා ඒ හා සබැඳි  සියලූම පද්ධතීන් පිළිබඳ හරි අමුතුම නිගමනයකට එලඹෙනවා. ඒ තමයි භාෂාව ගැටුණු පරිසරයන් හා පද්ධති තුළ, තිබුණු හා තියෙන සංස්කෘතිය. ඒ හා බැඳුණ...

තම මව් භාෂාව සුරැකීමට සිතට ගත් පුද්ගලයෙක්ට නම්, මෙය වර්තමානයේ එල්ල වී ඇති ප්‍රභල අභියෝගයක්.   මා සිතන පරිදි අප භාෂාවක් යොදාගන්නෙ අදහසක් තවත් කෙනෙක්ට සම්ප්‍රේෂණය කරන්නටයි. ඒ භාෂාව කුමක් වුවත් අදහස් සම්ප්‍රේෂණය කිරීමේ හැකියාව ඉතා ඉහළ නම් ඒ අදහස් උකහා ගන්නා ඔබ අවට සමාජය තුළ ඔබ ඉතා ජනප්‍රිය හෝ පහසුවෙන් තේරුම් ගත හැකි හෝ සමීප පුද්ගලයකු වනු ඇත. මන්ද කථනයේදී වුවද කතා කරන පුද්ගලයා හා සවන් දෙන්නන් අතර පවතින්නේ ඇත්තෙන්ම සිතුවිලි අතර සන්නිවේදනයක් .  තමන්ට දැනෙන සිතුවිල්ල තවත් කෙනෙක් වෙත කරන සම්ප්‍රේෂණයක්. එය නිවැරැදිව සම්ප්‍රේෂණය කළ හැක්කේද, තම සිතුවිලි වලට පවා ඇහුම්කන් දෙන්න පුළුවන් පුද්ගලයකුට පමණයි. මොකද එහෙම කෙනෙක්ට විතරයි, ඒක වචන හෝ මොකක් හරි මෙවලමක් භාවිතා කර එලියට දාන්න පුළුවන්. ඒ කියන්නෙ එලියට දාන්නෙ මොකද්ද කියලවත් දන්නෙ නැත්තන්, එතනින් එහාට කතා නොකරාට කමක් නැත කියලා තමයි මේ කිව්වේ.  කොහොම නමුත්, කෙනෙක් කතා කරන්නට ගන්නා මෙවලම (සිතුවිලි එලියට දාන්න ඒ හා අමුණන්න භාවිතා කරන භෞතික උපක්‍රමය) මොන විදිහෙ උනත්, තවත් කෙනෙක්ට ඒක හරියට තේරුම් ගන්න පුළුවන් නම් ඇති කියලායි මං අහලා තියෙන්න...

අම්මා කියන්නෙ මේ ලෝකෙට මවල තියෙන පුදුමාකාර චරිතයක් . ඇත්තටම , මේ ලෝකේ සත්ත්ව විශේෂ අතරින් තමාගේ පැටියා බිහි කරන ජීවියාට වැඩිපුරම වටිනාකමක් ලැබෙන්නේ ක්ශීරපායි ලෝකයේ . ඒ අතරිනුත් Homo sapiens කියන විශේෂය ඉහලම තැන සිටිනවා. ඇත්තටම ඇයි ඒ? මිනිස්සුන් කියලා කියන්නෙ ඔවුන්ගෙ මොළයේ දියුණුව , අවබෝධය ඉහලයි කියන ගණයට වැටෙන කකොට්ඨාශයක්. ලෝකය කුමක්ද , යථාර්ථය කුමක්ද යන්න අවබෝධය ට සුදුසුම සත්ත්ව විශේෂය මිනිසායි. ඒ තුළ ඇති අවබෝධ ඥාණය ඉතාමත්ම ඉහළයි. බුදු වෙන්නත් පුළුවන් මනුස්සයෙක්ට පමණයි. ඉතින් එහෙව් වූ උතුම් මනුෂ්‍යයෙක් මවන්න පුළුවන් පුළුවන් දෙන්න තමයි අම්මා සහ තාත්තා. අම්මා කියන්නෙ එතැන ලොකු කැප කිරීමක් කරන මිනිසෙක්. ඒ කැප කිරීමත් එක්ක ඇයව හදුන්වන්නේ, ලෝකයේ උතුම්ම පදවිය මව් පදවිය ලෙසයි .  ඇයි ඒ?  එයාලට දරුවො ලැබෙන්නේ දෙයක් ඉගෙනගන්නමයි. ඒ එයාලගෙ වාසනාවට ලැබෙන පදවියක් . ඒ පදවිය තුළ ඇය කරන කැපකිරීම් නිසා ඇයට සොබාදහමෙන් ලැබෙන ආශිර්වාදයක් ඒ. මොකද්ද ඇය ඉගෙන ගන්නෙ? ඒ තමයි අත් හැරීම. කොහොමද ඒ?  ඇගේ කුසට දරුවෙක් ආවම,  ඇය ඒ දරුවාව ආදරෙන් හදාගන්නවා. එතැන තියෙන්නේ සතර බ්‍රහ්ම විවරණ  ගැබ් ව...

පුතේ දැන ගනු මගේ ආයුස  වසර දසදහසටත් පැරණිය  මතකයි එදවස නුඹලා ඉපදෙන්නටත් කලියෙන්   මා සරු සාර විය මලින් පලින් බර විය. සාර තෙදැති වනපියස්  හරිතවත් කරා මිහි තලයම සිසිල් නිල්වන් දියදහරා  සයුරු රළ සිපගන්ට  පියමං කලේ ගී ගයමින්‍ ය. මා සැරසවූ මල් පල,  කුසගිනි හැදුනු විට කන්න වන සිව්පාවුන්ටත් එකගය. එයයි එදවස වූ, එකම රෝ බිය ලෝසතාටම. ටිකෙන් ටික නුඹ මෝරන විට ගසින් ගසට පැන පලවැල වළදන විට, මසිත සොම්නස් උනේ  මගේ සෙවණේ සිටින නුඹ දැක. කෙමෙන් පරිණාමය වෙන විට  මා බලා සිටියේ නුඹේ අරුමැති හිස දෙස, නුවණ වැඩෙනා අපූරුව. දෙපයින් වාරුගෙන නැගී සිටි විට  මා තරම් සිනාරැලි නැගි, කෙනෙක් නම් තව නැත. බලන් මිනිසා පියනගන අරුමය ! නීල දියතෙර පැන් පොදක් බී සොයුරු වනසත් කැටුව පෙළකට  අග්නි එලියෙන් විපරම් කරමින් හරිත සෙවණක ගිමන් හැරි නුඹ... දිනෙන් දින කල් යත්ම  මගේ දායාදත් ගෙන වවා ගොවියෙකු වූ නුඹ ඉතා දක්සයි දිවි ගෙවන්නට. යතාදහමේ කඩයිම් ජය ගෙන ආපසු නොබලාම  පියමං කරේ නුඹ පෙරටම විද්‍යාවෙන් ඉදුරන් සනසන්ට, අදුරෙන් එලියට යනවැයි කියා ! ටිකෙන් ටික වැඩිවියට ලංවත්ම...